தூசி தட்டியவை சில - பகுதி I

கவிஞன் சொன்னான் தமிழில் வார்த்தைகள் மூன்று லட்சம் 

சொன்னதால் கிடைத்ததவனுக்கு சில லட்சம் 

என்னால் ஏனோ முடியவில்லை; ஒரு பட்சம்

காதலித்திருப்பானோ கவிஞன் ஒரு பக்கம்?

வெடுக்கென பேசிக் கொண்டிருக்கையிலே 

 தடாலென வந்து நின்றாய் என் முன்னே

படபடவென பேசிட நானும் முயல

அட! தமிழில் வார்த்தைகள் மூன்று லட்சம்

காதலித்திருப்பான் கவிஞன் ஒரு பக்கம்!

-------------------------------------------------------------------------------

உனது விழிக்குள் என்னைத் தேடுகின்றேன்

கண்ணாடி இட்டு மறைக்கப் பார்க்கிறாய்

ஊடுருவி நுழைய நானும் முனைவது தெரிந்ததா என்ன?

வெயிலில் போய் நிற்கிறாயே!

Automatic Sun Glasses

--------------------------------------------------------------------------------

உள்ளங்கள் மறந்தாலும்

உணர்வுகள் மரத்தாலும்

உதடுகள் மறைத்தாலும்

பேசுகின்ற கண்கள்!

-------------------------------------------------------------------------------

என்னை நீ நிந்தித்த போதும்

நான் நிசப்தமாயிருந்தேன்

அந்த ஒரு நிமிட நேரமேனும் 

என்னை நினைக்கிறாய் என்று!

--------------------------------------------------------------------------------